II CONCURSO INTERNACIONAL DE ORQUESTRA
Enmarcado no I Congreso Galicia Clarinet Fest terá lugar II Concurso Internacional de Repertorio Orquestral.
O obxectivo do concurso é abrir as portas do mundo orquestral a os/as participantes.
Está dirixido a alumnado que curse ou teña cursado estudos superiores e másteres, e a intérpretes que acrediten o nivel necesario.
Grazas a este concurso poderán optar, como premio, a participar como músicos activos durante a tempada de concertos (2024/2025) en catro grandes orquestras, dúas delas internacionais:
- Orquestra Sinfónica de Galicia
- Real Filharmonía de Galicia
- Orquestra de Guimarâes
- Orchestre National de Cannes
Inscricións
A inscrición ao concurso implica a aceptación das presentes bases.
A data límite de inscrición será o día 5 de xullo de 2024 e realizarase enviando o formulario, que se atopa na parte inferior de esta páxina completamente cuberto.
En canto á nacionalidade dos/as candidatos/as no caso da obtención dun dos premios existen tres supostos:
- Músico con nacionalidade española: non é necesaria a realización de ningún trámite.
- Músico con nacionalidade europea: requisito previo é solicitar o certificado de residencia como cidadán/cidadá da Unión Europea.
- Músico extracomunitario: necesario que dispoña dun permiso temporal de residencia e de traballo en España en vigor.
No caso de ser premiado un/unha menor de idade, deberá contar coa autorización do pai, nai ou titor/a.
A inscrición será gratuíta para o alumnado activo do Galicia Clarinet Fest 2024 e terá un prezo de 50€ para os demais interesados/as que se fará mediante a seguinte pasarela de pago.
Calquera inscrición incompleta ou realizada con posterioridade á data anteriormente citada darase por nula.
Tribunal
O tribunal do II CONCURSO INTERNACIONAL DE ORQUESTRA está composto por 5 clarinetistas do máis alto nivel:
- Presidente: D. Juan Ferrer Cerveró (Clarinete Principal da OSG)
- Secretario: D. Vitor Matos (Universidade do Minho)
- Vogais: D. Arno Piters (Royal Concertgebow), D. Tibor Reman (Staatcapelle Berlin), D. José Luis Estellés (Musikene),D. Emilio Alonso Espasandín (Orchestre National de Cannes)
Fases e Repertorio Orquestral
O concurso constará de 3 fases, unha primeira fase o sábado 13 de xullo na que se fará a preselección dos/as candidatos/as a participar nas fases semifinal e final que terá lugar o domingo 14 de xullo.
Os fragmentos indicados serán extraídos do libro Orchester Probespiel Test Pieces for Orchestal Auditions (Hepp/Rohde) para clarinete da editorial Peters.
Primeira Fase
Os/as candidatos/as deberán presentarse no Multiusos Manuel Rivero de Lalín ás 9:00 horas. Realizarase o sorteo para ditaminar a orde de interpretación.
| Exposición do I Movemento do Concerto de W. A. Mozart (ata o compás 154) | |
|---|---|
| Beethoven | Sinfonía no. 6 (1º, 2º e 3º mov.) |
| Mendelssohn | Soño de unha Noite de Verán |
| Kodaly | Danzas de Galanta |
| Shostakovich | Sinfonía no. 9 |
O tribunal indicará qué solos ou que fragmento deles se debe interpretar nesta fase.
Semifinal
Os/as candidatos/as que superen a primeira fase pasarán á semifinal na que, aparte dos solos da fase previa, completarán con:
| Shostakovich | Sinfonía no. 9 (2º mov.)* |
| Rimski Korsakov | Capricho Español* |
| Stravinsky | Variacións do Ballet Paxaro de Lume |
| Respighi | Piñeiros de Roma |
O tribunal indicará que solos ou que fragmento deles se debe interpretar nesta fase.
A organización proporcionará aos seleccionados/as os fragmentos das obras que non se atopen no Orchester Probespiel Test Pieces for Orchestal Auditions (Hepp/Rohde) para clarinete da editorial Peters.
Serán citados/as ás 9:00 horas no mesmo lugar, Multiusos Manuel Rivero, para realizar o sorteo da orde de participación antes do comezo desta fase.
Final
Os/as finalitas interpretarán unha selección de solos da lista da semifinal.
| Beethoven | Sinfonía no. 6 (1º, 2º e 3º mov.) |
| Beethoven | Sinfonía no. 8 |
| Kodaly | Danzas de Galanta |
| Mendelssohn | Soño de unha Noite de Verán |
| Respighi | Piñeiros de Roma |
| Rimski Korsakov | Capricho Español* |
| Shostakovich | Sinfonía no. 9 |
| Shostakovich | Sinfonía no. 9 (2º mov.)* |
| Stravinsky | Variacións do Ballet Paxaro de Lume |
Resultados e Premios
Os resultados do concurso faranse públicos, ese mesmo día, no concerto das 21:00 horas do festival e a través das canles dixitais do Galicia Clarinet Fest.
